इलामको सुर्योदय नगरपलिका ७ कन्याममा संचालित स्काइ वाकमा प्रतिमा अनारण गरिएको छ । सुर्योदय नगरपलिकाका नगर प्रमुख रणबहादुर राईले प्रतिमाको अनावरण गर्नुभएको हो । स्काइ वाक मै काम गर्ने सुर्योदय नगरपलिका वडा नम्बर ७ निवासी दिपाङकर चाम्लिङ राईको कम्पनिकै काम क्रममा सडक दुर्घटनामा परी गत भाद्र २० गते ज्यान गएको थियो ।
प्रतिमा अनावरण गर्दै नगर प्रमुख राईले यो भवितव्य कसैले टार्न नसक्ने र हार्न पनि नसकिने भएकाले परिवारमा पुगेको क्षति कम गर्न नसके पनि दुख कम गर्न सक्ने प्रेरण कम्पनीको यस कामले मिलेको बताउनुभयो । उहाँले दिपाङकर प्रति श्रद्धाभव समेत व्यक्त गर्नुभयो ।
वान्डर्श नेपाल प्रा लि कम्नीका तर्फबाट प्रबन्ध निर्देशक आकर्षण पोख्रेलले छोटो समयमा कम्पनीमा गरेको कामको प्रभावले गर्दा उनको प्रतिमा निर्माण गरिएको बताउनुभयो ।
यस्तै उहाँका पिता सुर्योदय नगरपलिका वडा नम्बर ७ का वडा अध्यक्ष एल बि चाम्लिङ राईले छोराको जन्मदिन माघ ११ गते भएकाले यो अवसमा नै प्रतिमाको अनावरण गरिदिएकोमा कम्पनि प्रति धन्यवाद समेत ज्ञापन गर्नुभयो । उहाँले मानिसले जिवनमा इमान्दार सालिन र कर्तव्यनिष्ठ भएर बाँच्न सकेमात्रै परिवार समाज देशको बन्न सकिने पाठ सिकेको बताउनुभयो । उहाँले भौतिक सरिरले यति ज्ञान राख्न सके मात्रै सबैमा शान्ति प्राप्त हुने विश्वास व्यक्त गर्नुभयो ।
प्रतिमा अनावरणमा सुर्योदय नगरपलिकाका वडाअध्क्षहरु सराजकुमार सेरेङ ,डिक बम्जन , पेमा उगेन लामा ,उर्गेन बम्जन, शिवकुमार बस्नेत, देबेन्द्र आचर्य, बलबहादुर समाल कार्यपलिका सदस्य सोनाम लामा साथै दिपाङकरको आमा सुजता चाम्लिङ परिवाका सदस्य आफन्तनको बाक्लो उपस्थिति रहेको थियो ।
