एक दशक देखी काठमाण्डौँ बसेर इलामको माटोको सुगन्ध कलाको माध्यमबाट जगतभर फैलाइरहनु भएका इलाम रोङ गाउँपलिका निवासी गायक तथा संगीतकार महेन्द्र राईले नेपाली सांगीतिक क्षेत्रमा सयौँ काल र्झै गीतहरु दिनुभएको छ ।
“बसैमा सररर कन्यामको ओरालो ” भन्ने बोलको गीत नसुन्ने र यसमा ननाच्ने सायदै होलान् ,यो गीत जती चर्चामा छ इलामेली युवामा तर गायकको नाम भने कमैलाई मात्रै थाहा होला, ख्यार यीनै गीतका गायक महेन्द्र राईले पछिल्लो समय फेरी नयाँ गीत बजारमा लिएर आउनुभएको छ ।
गायक राई र गायिका दीपा तामाङ दुबैजना इलामकै हुनुहुन्छ उहाँहरुको क्यामेस्ट्रिका गीतहरुले राम्रो चर्चा पाउने गरेको छ । हालै सार्वजनिक गरिएको गीत “निस्ठुरी संसारले” पनि बजारमा चर्चा बटुल्दै गएको छ । उहाँहरूले “महेन्द्र एण्ड दिपा “आफ्नै युट्युब च्यानल बाट शुक्रबार गीतको भिडियो सार्वजनिक गर्नुभएको।
गीतमा शब्द संगीत समिर राई र महेन्द्र राईको रहेको छ । दीपाको निर्देशनमा रहेको म्युजिक भिडियोमा महेन्द्र र कुमारी (क्रल) लामाले अभिनय गर्नुभएको छ।
यस्तै, अन्य कलाकारहरू जेनिशा कार्की ,रोशन सुवेदी , रेनु राई ,सुनिता श्रेष्ठ , सुवाश राई र दीपा तामाङले पनि अभिनय गर्नुभएको छ। गायक राईले पछिल्लो समयमा आउने गीतहरुले बजारमा छोटो समयमा चर्चा पाएर छिटै हराउने गरिरहेकोले आफुले भने तेस्ता गीतहरुमा भन्दा पनि देश सुहाउने र जिवन्त रहनेमा प्रायोरेटी दिने बताउनुभएको छ ।
