फिक्कल वोइ उपनामले परिचित नाम हो मुकेश गुरुङ जो पछिल्लो समय नेपाली मोडलीङ क्षेत्रमा चर्चाको पात्र बनेका छन । विगत डेढ वर्ष देखि म्युजिकल करियर शुरुवात गरेका उनले नेश्नल आर्टिस्ट अर्वाड प्राप्त गरिसकेका छन । इलाम सुर्योदय नगरपलिका वडा नम्बर दश फिक्कल निवासी गुरुङले सामान्य टिकटक भिडियोले नै आफुलाई यो अवसर दिएको बताएका छन । संघर्ष नै वास्तविक जिवनको सिकाइ र सत्कार भएकाले आफुलाई आफ्नो संघर्षको कथाले नै कलाकार बन्न प्रेरणा मिलेको बताएका छन । पछिल्लो समय मुकेशले अभिनय गरेको तिमिबिना बोलका गीतले युटुबमा राम्रो भ्युअर्स पाइरहेको छ । मकवनपुरको चित्लाङमा छायाँकन गरिएको गीतमा शिला गजुरेल र मुकेशले अभिनय गरेका छन । जि मिडिया कनेक्सन युटुबमा रिलिज गरिएको गीतमा भिम विसीको शब्द संगित रहेको छ भने सौगात जगं थापा र इलामेली छोरी रेजिना बस्नेतले आवाज दिएका छन ।
