सुर्योदय नगरपालिका वडा नम्बर ८ स्थित शान्ति चोकमा अवस्थित पञ्चम संगित संगितालयको हलमा एक कार्यक्रमका विच “सोह्र वर्षे अल्लारे जोवन ” वोललको गीत प्रिमियर सो गरिएको छ । कोशी प्रदेश सभा सांसद तथा पुर्व कोशी प्रदेश संस्कृति मन्त्री खिनु लङ्वा लिम्बुको प्रमुख आतिथ्यता साथै जि म्युजिक नेपालका सस्थापक गीतसंगितका धरोहर मानसिंग थुलुङको सभापतित्वमा कार्यक्रम आयोजना गरिएको थियो ।
प्रमुख अतिथि लङ्वाले कलाकरहरुलाई मायाको चिनो वितरण गर्दै गाउँमा उत्पादन भएका कलाकारले संस्कृतिको जगेणा र पर्यटकिय स्थलहरुको प्रवर्धन गर्ने भएकाले यसमा सबैले साथ सहयोग गरेर हौसला प्रदान गर्नुपर्ने बताउनु भयो । उहाँले आफुले सकेको समन्वय गरेर आगामि दिनहरुमा स्थानिय कला संगितको विकासमा सहयोग गर्ने प्रतिबद्धता समेत व्यक्त गर्नुभयो । कार्यक्रममा प्याव्सन केन्द्रिय सदस्य युवराज वासिष्ठ,प्याव्सन नगर अध्यक्ष लाकेल लामा, गायक तथा संगितकार पुजन प्रधान, गायक तथा संगितकार रघुन गुरुङ ,गायक लेखु मुखिया,गायीका गायत्रा ओली घिमिरे, जनप्रतिनिधि, नव कलाकार लगायतको सहभागिता रहेको थियो ।
यस गीतमा गायक तथा संगितकार चन्दन किसोर लिम्बुले आवाज दिनुभएको छ भने नरेश अविरल राइको शब्द तथा चन्दु गोर्खालिले संगित गर्नुभएको छ । यस गीतको म्युजिक भिडीयोमा मोडल मुकेश गुरुङ र निकिता राईले अभिनय गर्नुभएको छ । एच के आर इन्टरटेन्मेन्ट व्यानरमा निर्मित गीतलाई हिकस राईले निर्देशन गर्नुभएको छ । नित्यको कोरियोग्राफी सुहाना गदालले गर्नुभएको छ । गीतलाई बुढासुब्बा युटुब च्यानल मार्फत बजारमा ल्याउन लागेको गायक चन्दन किसोर लिम्बुले जान्करी दिनुभयो ।
