उमेश गुरूङ एउटा यस्तो नाम हो जस्को नामले इलामको ठूलो टुडिखेलमा भइरहेको फुटबलको याद दिलाउँछ । यति मात्रै हैन पत्रकारीताको एउटा भरिएको कलामको याद दिलाउँछ । पाखा भित्तामा अल्झेको साहित्य, छहरा पहराबाट निस्किने संगीत र मानविय सभ्यताको एउटा सुन्दर गितको याद दिलाउँछ ।
हो यीनै उमेश गुरूङ जस्ले पछिल्लो समय सांगीतिक आकाशमा पुर्वीय भाकाहरूको सुवास छरिरहेको छ । मेला, पर्व , उकाली ओरालीमा भटिने दौतरीको कथा शब्दका मालामा उनेर संगीतको तरंगमा भरी गीतको माध्यमबाट जिवन्त संगालेर राख्ने गर्नुभएको छ ।
यो गीत मात्रै हैन एउटा पुस्ताको लागि दिइएको एक दस्तावेज पनि हो ।
हरेक क्षेत्रमा अब्बल निडर र धैर्यतावान शालिन व्यक्तित्व गुरूङले पछिल्लो समय राजनितीक यात्रामा अलिक बढी सक्रिय रहनुभएको छ । भर्खरै मात्र रेकर्डिङ गरेर एउटा सुमधुर गीत उहाँले बजारमा लिएर आउनुभएको छ । जुुन गीतमा सुमधुर स्वरका धनी गायक रगुन गुरूङ र लोचन भट्टराईले स्वारांकन गर्नु भएको छ भने संगीत संयोजन बलराम समालले गर्नुभएको छ ।
रेकर्ड भएको केही दिनमै विभिन्न मिडियामा गुन्जिएको गितको म्युजिक भिडियो भने चाँडै आउने गायक रगुन गुरूङले जान्कारी दिनुभयोे । रगुन गुरूङ पछिल्लो समय निक्कै व्यस्त रहेका गायक हुनुहुन्छ भने उहाँले राष्ट्रिय पुरस्कारहरू समेत हात पारिसक्नुभएको छ । उहाँ मोफसलमा नै बसेर ” अल्झियौ अड्कियौ ” जस्ता लोकप्रिय गीत बजारमा दर्जनौ दिन सफल गायक रूपमा चिनिनुभएको छ ।
