इलाममा फरक क्षमता भएकी नाबालिकालाई हात बाँधेर सामूहिक बलात्कार गर्ने दुईजना पक्राउ परेका छन् ।
पक्राउ पर्नेहरुमा इलाम फाकफोकथुम गाउँपालिका ४ बस्ने ३८ वर्षीय साजन सुब्बा र सोही ठाउँ बस्ने ४१ वर्षीय बुद्धिमान आङथुपो रहेका छन । उनीहरुले वैशाख ५ गते डर त्रास एवं धम्की दिई हात बाँधेर बोल्न कराउन नदिई नाबालिकालाई सामूहिक रुपमा जबरजस्ती करणी गरेका थिए ।
घटनापछि फरार रहेकाहरुको खोजी कार्यलाई तीब्रता दिएको जिल्ला प्रहरी कार्यालय इलामको बिशेष टोलीले वैशाख ६ गते लुकिछिपि बसेको अवस्थामा इलाम फाकफोकथुम गाउँपालिका ४ स्थित फुयतप्पाबाट दुवैलाई पक्राउ गरेको सूचना अधिकारी डीएसपी मानबहादुर राईले बताए ।
पक्राउ परेका दुवै अभियुक्तहरुलाई जिल्ला अदालत इलाममा उपस्थित गराई वैशाख ६ गतेदेखि लागु हुने गरी ७ दिन म्याद थप भई अनुसन्धान कार्य भइरहेको डीएसपी राईले जानकारी दिएका छन् ।
साभार दिन प्रतिदिन
