झापा : निशान निरौला
आज बिहान करिब १०:४५ बजे झापाको बुद्धशान्ति ४ स्थित हापेन चौकमा बोलेरो र अटो एक आपसमा ठोक्किँदा भएको सवारी दुर्घटनामा एक महिलाको घटनास्थलमै मृत्यु भएको छ। मृत्यु हुनेमा २७ वर्षीया अमृता तामाङ रहेककी छन्, उनी बुद्धशान्ति ४ निवासी रहेको खुलेको छ।
बुधबारेबाट इलाम आउँदै गरेको प्र. १-०१-००१ ज ३८५१ नम्बरको बोलेरो र विपरीत दिशाबाट आएको प्र. १-०१-००२ ह ३६३ नम्बरको अटो एकआपसमा ठोक्किँदा दुर्घटना भएको हो।
दुर्घटनामा अटोमा सवार २१ वर्षीया कृतिका तामाङ र ४१ वर्षीया मञ्जु तामाङ सामान्य घाइते भएका छन्। उनीहरूको उपचार भइरहेको छ। बोलेरोका चालक मेचीनगर १२ निवासी ४० वर्षीय दिलकुमार थामीको पनि उपचार भैरहेको प्रहरीले जनाएको छ ।
यसैगरी, अटो चालक बुद्धशान्ति ४, जोरलाबरका ५३ वर्षीय सेवारो साँइला ( उपनामले चिनिने नाम ) इलाका प्रहरी कार्यालय बुधबारेको नियन्त्रणमा रहेका छन्। दुर्घटनाबारे थप अनुसन्धान भइरहेको प्रहरीले जनाएको छ।
