३४ औं प्याब्सन दिवसको अवसरमा सुर्योदय नगर प्याब्सन समितिद्धारा शुक्रबारबाट अन्तर विद्यालय छात्र फुटबल प्रतियोगिता शुरु गरिएको छ । वाड नम्बर ११ स्थित वीरेन्द्र मा वि आइतबारेको खेल मैदानमा प्रमुख अतिथि सुर्योदय नगरपालिका नगर उपप्रमुख दुर्गा कुमार बरालले प्रतियोगिताको उद्घाटन गर्नुभएको हो । कार्यक्रम सुर्योदय नगर प्याब्सनका अध्यक्ष लाकेल लामाको अध्यक्षतामा भएको थियो । खेलको औपचारिक उद्घाटन गर्दै बरालले यी र यस्तै प्रतियोतिबाट नानीहरुको खेल विकास हुने बताउनुभयो । उहाँले भर्खर राष्ट्रपति रनिङ शिल्डको नगरले छनोट गरि जिल्ला खेल्ने तयारी गरिहेको जान्कारी दिनुहुँदै प्रतियागिता सफताको शुभकामना व्यक्त गर्नुभयो ।
प्रतियोगिता उदघाटन समारोहमा प्याब्सन केन्द्रिय उपाध्यक्ष युवराज बाशिष्ठ, प्याब्सन इलामका निवर्तमान अध्यक्ष रगुन गुरुङ,वरिष्ट सल्लाहकार प्रकाश भक्तराजको आतिथ्यता रहेको थियो। कक्षा १ र ५, त्यसै गरी कक्षा ६ र ८ विचको खेल शुक्रबार सम्मपन गरिएको छ । प्रतियोगितामा संस्थागत विध्यालयका छात्र तर्फ कक्षा १ र ५ को १३,कक्षा ६ र ८ को १५ गरि २८ टिमको सहभागिता रहेको छ । प्रतियोगिता माघ १० गते समापन गरिने प्याब्सन नगर अध्यक्ष लाकेल लामाले जान्कारी दिनुभयो । त्यसैगरी युवराज वाशिष्ठले पिसल्याण्ड नेश्नल एकाडेमीकि छात्रा जेनिफर राना मगर, आयुश तिम्सिनाले राष्ट्रिय टिममा छनौट भइ खेलिरहेककले यो खेलको महत्व अझ बढेको बताउनु भयो ।
शुक्रबारको खेलमा गोल्डेन हेबन एकाडेमी समालबुङ्ग,पन्चकन्या अंग्रेजी स्कुल,गोल्डेन फ्युचर स्कुल र सनराइज इङ्गलिस् स्कुल विजयी बन्दै अर्को चरणमा प्रवेश गरेका छन । शनिबार कक्षा ६ र ८ सिनियरमा सनराइज इङ्गलिस् स्कुल र भाग्योदय इङ्गलिस् स्कुल, चिल्ड्रेन गार्डेन इङ्गलिस् स्कुल र इलाम रोजमेरी इङ्गलिस् स्कुल त्यस्तै कक्षा १ र ५ जुनियरमा मोर्डन इङ्गलिस् स्कुल र हेरोहल एकाडेमि ,पशुपति नेश्नल एकाडेमी र अरुणोदय विच खेल हुने योगश बस्नेतले जान्कारी दिनुभयो ।
३४ औ प्याब्सन दिवसकै अवसरमा सुर्योदयमा गत पौष २३ गते छात्रछात्रा तर्फको मिनि म्याराथन समेत गरिएको थियो।
